لسه ناوى على الرحيل

لسه ناوى على الرحيل تفتكر ملهوش بديل
اعمل أيه فى الوحده وأنت مش هنا
أعمل أيه
ومنين أجيب صبر لسنه
أعمل أيه ,,أعمل ايه
من سؤال مهزوم بيترجى الجواب
مش بتقصد عينى ياحبيبى العتاب
سيبك أنت من دموع العين وقولى
خدت أيه فى شنطه سفر؟؟
أو ايه فاضلى ؟؟
خدت من صبرى وطريقى منتهى
مش بعادك نبضى اللى تاه
خدت صورتى !!
شوف كده لتكون نسيت عمرى وصباى
ولا احساس بكيانى وبالحياه
اما حيرتى والعذاب ملكى أنا
هما أصحابى فى غيابك طول سنه
ياحبيبى ياحبيبى
أد عمرى قلتهالك وأنت جنبى ببقى لسه مشتقالك
ما أنت عارف أنت سامع
انه الليل والشوارع
كل حبه رمل بتقولك حرام حرام
أتحرم حضن الخطاوى وفين أنام
والطريق مايل بحمله من العتاب والنسيم حس بفراقك سحره غاب
كل حاجه رافضه بعدك مش هاتفضل هى بعدك
صعب أصدق
لو ضرورى تفتنى خد منى الحنين
وأختصر بعد السنه خليه يومين
قبل ماتسافر بعمرى أسجن الشوق والمنى
وأطلق الصبر فى وريدى قبل ما يطول بعدنا
حتى لو طال بعدنا
أنت هنا

هو ده اللى بيقولوا عليه الضياع؟؟؟؟؟؟؟؟

هو ليه انا حاسه ان المكان ده مش مكانى وان الدنيا ديه مش دنيتى
وان بكره ضباب قوى كده مش شايفه فيه اى حاجه وامبارح مش فاكره عملت فيه ايه والنهارده ملوش معنى
هو ده بقى اللى بيقولوا عليه الضياع ؟؟؟

أنا بخاف

انا بخاف
واكتر أحساس بيخوفنى فى حياتى هو الخوف
الخوف من الخوف !!!
لأنى مش عارفه ليه سبب محدد انا خايفه ومش عارفه ليه ومن ايه ؟؟
تخيل لما نبقى كبار كده وبنخاف نناقش دكتور ولا نتكلم بصوت عالى امام عدد كبير من الناس رغم ان الناس ديه اصحابك
انا ممكن مثلا لو جت فرصه اقف ادام الرئيس أوادام اى صاحب سلطه
هل أستطيع فعلها ؟
أم أننى أتكلم هنا ،،،فقط بجرأه مدعاه لاننى اشعر بشكل أو بآخر أننى فى أمان
أعتقد ان لو خوفت ساعتها ممكن أنتحر
فى روايه شيكاجو كان فى دكتور عمل كده أنتحر بعدما تأكد لنفسه انه خائف لا يقدر لايستطيع أن يقولها
لا يستطيع أن يقول لا
لقد أوهم نفسه أنه لم يهرب من مصر وأنه لم يتخاذل
ولكن عندما جاءت له فرصه حقيقيه ليقول لا
لم يستطع
معرفش أيه سبب خوفى
أو سبب خوف الدكتور فى الروايه فهو كان فى منتهى الأمان ،،
دكتور صنع لنفسه أسم وحياه وجاءت له فرصه ليقول كلمته فى أمريكا
أعتقد أنه كان فى درجه من الأمان لا تغفر له خوفه
مثلما لا أغفر لنفسى خوفى

أزرع كل الأرض مقاومه

ازرع كل الأرض مقاومه
فؤاد حداد من ديوان الحَمْـل الفلسطيني

ازرع كل الأرض مقاومه

ترمي في كل الأرض جدور

ان كان ضلمه تمد النور

وان كان سجن تهد السور

كون البادئ كون البادئ

كل فروع الحق بنادق

غير الدم ماحدش صادق

من أيام الوطن اللاجئ

إلى يوم الوطن المنصور